EGITARAUA

9:00 h – 9:15 hEgiaztagirien banaketa

9:15 h – 9:30 h Aurkezpena

Felipe Yarritu EKGK-ko presidentea
Patxi Ormazabal KONFEKOOP-eko presidentea

9:30 h – 10:30 h Gizarte utopia (balio berriak)

Aldebiko eztabaida (40 min) – Javier Elzo vs Ander Gurrutxaga
Eztabaida irekia (20 min) –Mariano Ferrer

10:30 h – 12:00 h World Coffee

Zenbait mahai eratuko dira galdera ezberdin banarekin.
Pertsona bakoitzarentzako mahai aldaketa txandak ezarriko dira, eratzen diren taldeak kointziditu ez daitezen.

12:00 h – 13:00 h Enpresa-utopia

Aldebiko eztabaida (40 min) – Txomin García vs Koldo Saratxaga
Eztabaida irekia (20 min) –Mariano Ferrer

13:00 h – 14:30 h Working Lunch

14:30 h – 15:20 h Gizarte-berrikuntzako esperientziak

Esperientzia (8 min) – Garaia Berrikuntza Gunea – Andoni Gartzia
Esperientzia (8 min) – Bagara sortzen - Iraitz Agirre
Esperientzia (8 min) – Baketik – Jonan Fernández
Esperientzia (8 min) – Mundukide – Mikel Gantxegi
Galdera-txanda (10 min) – José María Larrañaga

15:20 h – 16:00 h Hitzaldi magistrala: “Bitartekaririk gabeko demokrazia”

Hitzaldia (30 min) – Joan Subirats
Eztabaida (10 min) –Mariano Ferrer

16:00 h – 17:00 h Lankidetza utopia

Aldebiko eztabaida (40 min) – Juan Mª Otaegi vs Pablo Angulo
Eztabaida irekia (20 min) –Mariano Ferrer

17:00 h – 17:30 h Ondorioak, kafea eta jardunaldiaren amaiera

World Coffeeren ondorioak (10 min)
FOROKOOP-en hausnarketak (5 min)
IV. Biltzarraren ondorioak (10 min)
José María Larrañaga

Patxi Ormazabal

Vitoria-Gasteiz 1948

Politika eta Gizarte Zientzietan lizentziatua

Historikoa
Deustuko Unibertsitateko irakaslea
Arabako Batza Nagusietako lehendakaria
Vitoria-Gasteizko Udaleko alkateordea
Eusko Legebiltzarreko lehendakariordea
Eusko Jaurlaritzako sailburua 1995 eta 2006 bitartean

Gaur egun
MCC – Mondragón Corporación Cooperativa – Erakunde Harremanetarako arduraduna
KONFEKOOP – Euskadiko Kooperatiben Konfederazioa- lehendakaria
FUNKO – Euskadiko Fundazioen Konfederazioa – lehendakaria

José María Larrañaga Bolinaga

Ingeniari Teknikoa. Mondragon Goi Eskola Politeknikoa

Masterra kooperatiba enpresen zuzendaritzan. Mondragon Goi Eskola Politeknikoa

- Copreci kooperatibako bazkidea eta Artezkaritza Kontseiluko kidea (1963)
- Ederlan Koop.E.ko Pertsonal-zuzendaria eta errektorea (1970)
- Fagor Electrodomesticos-eko Pertsonal-zuzendaria eta Fagor Taldeko 12 kooperatibak biltzen zituen Ularco-ko Kontseilu Nagusiko kidea (1981)
- MCCko Otalora hezkuntza-zentroko hezkuntza eta kooperatiben zabalpenerako zuzendaria (1987)
- KUI Kooperatiben Unibertsitate Institutuko zuzendaria (1999)
- Mondragon Unibertsitateko irakaslea. MBA masterretan eta enpresarientzako ikastaroetan eskolak eman ditu (1999-2006)
- Euskadiko Kooperatiben Goren Kontseiluko kidea (1999)
- Eskoriatzako Udaleko zinegotzia lau legegintzalditan.
- Eskoriatzako Jose Arana Ikastola eta Irakasleen Unibertsitate Eskolako sortzaile eta zuzendaria izan zen eta Bigarren Hezkuntzako Almen Institutuko zuzendaria.
- Irakasle gonbidatua hainbat unibertsitatetan: Salamancako Unibertsitatea, Euskal Herriko Unibertsitatea (EHU), Deustuko Unibertsitatea, Caliko Universidad Javierana (Kolonbia), Bogotako Universidad Minuto de Dios (Kolonbia), Zaragozako Unibertsitatea, etab.

Mariano Ferrer

Mariano Ferrer, Donostian jaioa 1939an

Titulu akademikoak
1965 Kazetaritzako titulua Madrileko Kazetaritzako Eskola Ofizialean
1965 Filosofia eta Letretako lizentziatura, Madrileko unibertsitatean
1969 Masterra Teologian, Loiolako Unibertsitatean, Chicago AEB
1971 Masterra Informazio Zientzietan, Syracuseko unibertsitatea, NY, AEB
1985 Zuzenbideko lizentziatura, Euskal Herriko Unibertsitatea, Donostia

Lan-arloko esperientzia
Herri Irratiko zuzendariordea, Donostia, 1971-1977
Eguneroko informazio-saio baten zuzendari eta aurkezlea Herri Irratian, 1971-2004
“Egin” egunkariko lehen zuzendaria, 1977-1978
“Sin Permiso” ETBko eztabaida-saioaren zuzendaria eta aurkezlea, 1989-1990
“El Mundo del País Vasco” egunkariko Argitalpen Kontseiluko kidea, 1994-2000
“El Mundo del País Vasco” egunkariko zutabegilea, 1991-2008
Aldizkako kolaborazioak EiTBn eta Radio Euskadin 2005eko irailetik.
“Noticias Taldeko” egunkarietako zutabegilea 2009ko urtarriletik 2010eko apirilera

Beste jarduera batzuk
Donostiako Zinemaldiko prentsa-arduradun nagusia, 1982-1987
“El lenguaje en la Comunicación” ikasgaiko irakaslea Deustuko Unibertsitatean, 1996-2004
1994ko eta 2001-2002ko Elkarriren Bake Konferentziako moderatzailea
18/98+ Plataformako bozeramailea, 2003-2007

Juan María Otaegi

NORBERAREN DATUAK

iotze-data eta lekua: Bergara (Gipuzkoa), 1944ko martxoaren 9an.
Egoera zibila: ezkonduta, hiru seme-alabarekin

PRESTAKUNTZA AKADEMIKOA

Enpresa Zientziak. ESTE (Enpresa Tekniken Goi Eskola), Donostia.

HISTORIA PROFESIONALA

1973-1975 Fagor Electrodomésticos, Koop. E.ko (garai hartan Ulgor)
Finantza-kontroleko nagusia, 1976ko apirilera arte.

1983-1989 Fagor Electrodomésticos, Koop. E.ko Artezkaritza Kontseiluko
eta 1994-1995 presidentea.

1989-2009 Euskadiko Kutxako presidentea

1992tik MONDRAGONeko Finantza-dibisioko presidenteordea.

1995etik MONDRAGONeko Kooperatiba-biltzarreko presidentea.

2008tik Seguros Lagun Aroko presidentea.

2010etik Euskadiko Ekonomia eta Gizarte Arazoetarako Batzordeko presidentea.

Iraitz Agirre Aranguren

Prestakuntza akademikoa:

Master of Arts in Euroculture. Deustuko Unibertsitateko (Donostia) master ofiziala.
Antropologia sozial eta kulturalean lizentziaduna. Granadako unibertsitatea.
Kazetaritzako lehen zikloa. Euskal Herriko Unibertsitatea.

Lan-esperientzia

BAGARA. Proiektuaren koordinaziorako teknikaria.
LANKI ikerketegia. HUHEZI fakultatea. Mondragon Unibertsitatea.
GaraiON NaturArtea.Sormena, natura eta ondare kulturala oinarri dituen aisialdia sustatzeko elkartea. 12 hilabete.
LENBUR Fundazioa. Ondare Kulturalaren departamentua. 10 hilabete.
AED Euskara Elkartea. Kultur teknikaria. 10 hilabete.

Felipe Yarritu

1951ko apirilaren 11n jaio zen
Ekonomialaria da, Planifikazio eta Garapenean aditua (Euskal Herriko Unibertsitatea)
Eusko Jaurlaritzako Gizarte-ekonomiako zuzendaria da

Aurretik, Zuzendari Gerentea izan da RE Mailibi, SAL eta San Carlos Koop. E.n
Halaber, eta besteak beste, Zuzendari Nagusiaren ondokoa (Controller) izan zen ondorengo enpresetan: Eroski Koop. E.; Bide Onera Koop. E.; Galdakao Studio SA eta K-2000 SAn.

Javier Elzo Imaz

Soziologian lizentziatua Lovainako Unibertsitatean. Soziologian doktorea Deustuko Unibertsitatean.

Gaur egun Deustuko Unibertsitateko Soziologiako katedradun emeritua da eta Deusto Forumeko presidentea.

Gizarte-ikertzailea da, batez ere ondoko esparruetan: “Erlijioaren eta Balioen sistemak fenomeno sozial eta kultural gisa", "Gazteriaren soziologia", "Gazteen indarkeriaren soziologia", "Droga-mendekotasunaren epidemiologia eta soziologia" eta "Familiaren soziologia". Liburuak eta artikuluak batuta, 200etik gora argitalpen ditu.

Espainiako Toxikomanien Sozietateko eta Gipuzkoako Gizakia Helburu Proiektuko kide sortzailea da. Alkohola eta Gizartea Fundazioko Batzorde Zientifikoko kidea, Innobasqueko Gizarte-berrikuntzaren esparruko Batzorde Exekutiboko kidea, Eusko Ikaskuntzako Bikaintasun Kontseiluko kidea, Euskalerriaren Adiskideen elkarteko adiskide supernumerarioa. Frantziako l´Ordre des Palmes Academiques-eko officier-a. Giza eta gizarte-zientzietako Eusko Ikaskuntza - Caja Laboral saria jaso zuen 2009an.

Ander Gurrutxaga Abad

Euskal Herriko Unibertsitateko Soziologiako katedraduna da. “Ezagutzaren gizartea, berrikuntza eta garapena” zentroko zuzendaria.

Euskal Herriko Unibertsitateko Soziologia saileko zuzendaria izan da. Irakasleen Errektoreordea. Eusko Jaurlaritzako Unibertsitateen zuzendaria eta Unibertsitate eta Ikerketa sailburuordea. 18 liburu eta ehun artikulu espezializatu idatzi ditu. Hogeita zortzi proiektu zuzendu ditu, nazionalak zein nazioartekoak, ikertzaile nagusi gisa. Irakasle gonbidatu bezala hainbat ikastaro eskaini ditu atzerriko eta Espainiako hainbat unibertsitatetan.

Andoni Gartzia

Enpresa zientzietan lizentziatu nintzen Euskal Herriko Unibertsitatean. Nire lan ibilbidea Enpresen Aholkularitza Teknikoko bulego batean abiatu zen. Bertan, lan eta zerga-aholkulari gisa aritu nintzen. Bulegoko bezero batek eskatu zuen bideragarritasun azterketa baten ondorioz sortu zen enpresa berri batera lanera joan nintzen, Administrazio eta Finantza zuzendari.

1993an, beste bi lankiderekin batera, MEKALKI KOOP. E. sortu genuen. Txiribil-harroketa eta CNC teknologiaren bidez bezeroak emandako eredu edo plano bidezko edozein motatako piezen mekanizazioa egiten duen enpresa da. 2001eko martxora arte Mekalki proiektuko koordinatzaile gisa aritu nintzen.

Ondoren, zuzendari-gerente lanak egin nituen GARAIA SA Berrikuntza Poloan. MONDRAGON, Gipuzkoako Foru Aldundia, Eusko Jaurlaritza (SPRI-LUR) eta Arrasateko Udalak osatutako sozietatea da hori, eta Mondragon Unibertsitatea kokatuta dagoen tokian Polo zientifiko eta teknologiko bat sustatzea du helburu.

Mikel Gantxegi

INDUSTRIA INGENIARI TEKNIKOA, sistemen informatikan espezializatua.

Batez ere ELAY TALDEAN (Antzuola, Gipuzkoa) garatu da bere esperientzia profesionala. Lehenbizi, erreminta eta tresneriarako titaniozko estalduren Ekoizpen arduraduna izan zen BALZERS-ELAY SAren Montacada i Reixac-eko (Bartzelona) lantegian (1995-2000). Ondoren, automobilgintzarako piezen ekoizpenerako trokelaketa eta txapa-tratamenduen zuzendari teknikoa izan zen CVko CELAY SAren Celayako (Gto, Mexiko) lantegian (2000-2003). Azkenik, automobilgintzarako piezen ekoizpenerako trokelaketa eta txapa-tratamenduen Ekoizpen zuzendaria izan zen ELAY INDUSTRIAL SAren Antzuolako (Gipuzkoa) lantegian (2003-2006).

2007an, MUNDUKIDE FUNDAZIOAN (Hegoaldeko herrialde txirotuetan Garapenerako Lankidetza-proiektuak garatzen dituen GGKEan) hasi zen lanean Arrasaten (Gipuzkoa). Gaur egun, fundazioko Zuzendari Gerentea da.

Pablo Angulo

Innobasqueko (Berrikuntzaren Euskal Agentziako) Programen zuzendaria
Deustuko Unibertsitateko irakaslea.

Bere ibilbide profesionalean ondoko lanak egin ditu:

Eusko Jaurlaritzako Enplegu, Prestakuntza eta Gizarteratzeko sailburuordea
Aholkulari autonomo eta independentea
Agintzari Koop. E.ko zuzendari-gerentea.
Euskadiko Caritaseko idazkari tekniko nagusia.
Bultz-Lan Consulting, SLko garapen zuzendaria
Gasteizko udaleko kabinete teknikoko zuzendaria
Enplegu eta prestakuntzako programen funtzionario-tekniko arduraduna Eusko Jaurlaritzan.
Ikerlari eta irakasle laguntzailea Turineko CIPPTn (LANE - Lanaren Nazioarteko Erakundea).
SIIS-Eusko Jaurlaritzarentzako “EAEko gizarte-zerbitzuen maparen” teknikaria

Prestakuntza:

Zientzia Politikoetan eta Soziologian lizentziatua (Deustuko Unibertsitatea).
Hirugarren zikloko diplomatua (DEA) Lanaren Ekonomian (IREP-D/CNRS), Grenobleko Université Mèndes-France.
Graduondoko ikasketak: Nazio Batuen sistema, gizarte-ekonomiaren kudeaketa eta hezkuntza informala. (LANE). Turineko CIPPT.
Planifikazio Estrategikoko diplomatura-masterra, APD / AESPLAN.

Koldo Saratxaga

Koldo Saratxagak Ingeniaritza Teknikoa ikasi zuen Bilboko Ingeniaritza Eskolan, bai eta Enpresa-zientzietako bi ikasturte, MBA Deustuko Unibertsitatean eta MBA Madrileko Unibertsitate Autonomoan ere.

Azken urteotan, irakaslea izan da Euskal Herriko Unibertsitatean (EHU), Deustuko Unibertsitatean, Mondragon Unibertsitatean (MU) eta Nafarroako Unibertsitate Publikoan (NUP). Irakasle gonbidatua izan zen IESEn.

Gaur egun, eta 2005ean Koldo-2k Emocionando SL enpresa sortu ondoren, aholkulari gisa aritu da hainbat enpresa-proiektutan, hala publikoak nola pribatuak, antolakuntza-arloan egiteke dauden aldaketak gauzatzeko lanetan. Halaber, hainbat hitzaldi eta mintegitan parte hartu du.

2009ko urrian, “gizarte berria eraikitzen – nuevo estilo de relaciones, gbe-ner elkartea” sortu zen. Irabazi asmorik gabeko hamar enpresa-erakundek sorturiko elkarte honen sustatzaile eta presidentea da.

2010eko apirilean, Jabi Salcedorekin batera, “El éxito fue la confianza” liburua argitaratu zuen k2k emocionando-rekin. Liburua doan lortu daiteke “loslibrosdek2k” Interneteko webgunean.

Joan Subirats

Ekonomia Zientzietan doktorea Bartzelonako Unibertsitatean.
Bartzelonako Unibertsitate Autonomoko Zientzia Politikoko katedraduna.

Gobernu eta Politika Publikoen Institutuko (IGOP) zuzendaria izan da Bartzelonako Unibertsitate Autonomoan. Bertan, doktorego programako zuzendaria da orain.

Europa eta Amerikako hainbat unibertsitatetan eta Espainiako unibertsitate eta ikerketa-zentro ugaritan irakasle bisitaria izan da.
Gobernantza, kudeaketa publiko, eta politika publikoen eta gizarte-bazterketen analisian espezializatu da, bai eta berrikuntza demokratikoa, gizarte zibila eta maila anitzeko gobernuaren inguruko arazoetan ere. Gai horien guztien inguruko liburuak eta artikuluak argitaratu ditu. Berriena, Análisis y Gestión de Políticas Públicas, Ariel, Bartzelona. Hainbat komunikabidetako ohiko kolaboratzailea da.

Txomin García

LAN-ESPERIENTZIA
Bere lan-esperientzia guztia Mondragon kooperatiba-taldearekin loturik dago:
1981-1982. Teknologia eta Diseinuko irakaslea Mondragon Unibertsitatean (EPS)
1983-1986. Aplikazioen Ingeniaritzako arduraduna AURKIn (gaur egun Mondragon Assembly). Kooperatiba horretan Artezkaritza Kontseiluko presidenteordea izan zen 1984-1986 urteen artean.
1986-1988. I+G zuzendaria ULMA Packaging-en
1988-2001. Zuzendari Gerentea ULMA Packaging-en
2001-2009 ULMA taldeko zuzendari nagusia
2004-2009 MONDRAGONeko ULMA taldea dibisioko presidenteordea.
2009ko apiriletik. Euskadiko Kutxako presidentea eta MONDRAGONeko presidenteordea (Finantza-dibisioa)

PRESTAKUNTZA AKADEMIKOA

- Industria Ingeniaritza Teknikoa (Mondragon Unibertsitatea)
- MBA Enpresen zuzendaritzan.

PRESTAKUNTZA OSAGARRIA
Hainbat prestakuntza eta trebakuntza programa. Ondoko hauek nabarmendu daitezke:
Masterra Kalitate Osoan, Berrikuntzaren kudeaketa, EFQM ebaluatzailea, Kontabilitatea eta Finantzak, Lidergoa eta Pertsonen kudeaketa, etab.

Jonan Fernández

Jonan Fernández Erdozia 1962ko martxoaren 21ean jaio zen Tolosan, Gipuzkoa.

Arantzazuko (Oñati) Bakearen aldeko Baketik zentroko zuzendaria da. Gatazken lantze etikoaren irakaskuntzan diharduen zentroa da Baketik.

Elkarriko koordinatzailea izan zen 14 urtez (1992-2006). Euskal gatazkan bitartekari lanak egin eta Euskal Herrian giza eskubideen, elkarrizketaren, pluralismoaren eta bakearen alde aritu izan den gizarte mugimendua izan da Elkarri.

Iritzi artikulu ugari idatzi ditu, eta bakegintzaren, gatazken konponketaren eta gizarte mugimenduaren paperaren inguruko hainbat biltzar, mintegi eta jardunalditan hizlari aritu da. Ondoko liburu hauek argitaratu ditu: Ser humano en los conflictos.Una reflexión ética tras una vivencia directa en el conflicto vasco (2006), Vivir y convivir.Cuatro aprendizajes básicos (2008), biak ala biak Alianza Editorial-ek argitaratuak, eta Educar en ser persona. ocho aprendizajes (2010), Baketik zentroak argitaratua.